【明報專訊】城大般哥展覽館最新展覽「盛世聚首天寶芳華：圓明園獸首暨文物展」第二期噚日開幕，展覽叫做文物展，但全套十二生肖獸首雕塑係出自電影《十二生肖》，由影星成龍捐贈畀新加坡亞洲文明博物館，今次呢批仿製品就借畀城大展出，藉此解說水力噴泉裝置嘅巧妙之處。至於其餘展品，除咗有40件青銅文物，包括春秋時代嘅龍紋鼎等青銅禮器之外，亦有部分仿真嘅清朝畫作。